رسالة ترحيب

مرحبا بكم في مدونتي الخاصة، شكرا لكم على الزيارة.

الخميس، فبراير 18، 2016

وَمْنِينْ نَبْدَى نَجَّانْ الزَّرْبِيَهْ؟

وَمْنِينْ نَبْدَى نَجَّانْ الزَّرْبِيَهْ؟
واش غِي اللِّي يَبْغِي يْنَجّ،
يَجْمَعْ اكْباَلْ خيُوط ْويْقُولْ هَاكْ أَرَى لِيَّ.
لْوَانْ لخيُوط بَاهْثَهْ،
وجُوقْ العَمْيِين يْصَفَّقْ .
أَلفْ هنِيَّهْ وَهْنِيَّهْ؟
واشْ المَنْجَجْ رخيصْ؟
وَلاّ خَشْبُو ؟
الصَنْعَهْ !!!
مَا هِي سَبْنِيَّهْ مَكْعورَهْ..
ما هِي زَرْبِيَّه مَغْشُوشَه..
الصّنْعَهْ رُوحْ فْ ذَاتْ كُلّ صَانَعْ منْقوشهْ.
لخْيُوطْ اللِّي مَا تْعَذِّبْ مًّالِيهَا مَا هِي خْيُوطْ ..
هَاكْ أَرَى عَاوِدْ ثَانِي لّعْيُوطْ..
وَاشْ غِي اللِّي جَا طُوطْ طُوطْ نْزَغَرْتُو لِيهْ..؟
نضَرْبُو لِيهْ طّرْ فْ طِّر، وَنْقُولُو رَاكْ فنَّانْ..
جمال الفقير

ليست هناك تعليقات: